Павлодарда өткен концертте ерсі сөз айтып, басы дауға қалған Төреғали Төреәлі желідегі парақшасында өлең жазып, халықтан кешірім сұрады.
Бұл туралы stan.kz хабарлады.
https://kaz.365info.kz/pozor-aj-saukele-kiip-an-ajtkhan-toregali-tagy-da-zhelini-shulatty-video-302527
“Сөз беремін, мен енді өзгеремін.
Отаным жоқ өзіңнен өзге менің.
Төз дегенің, еліңнен оз дегенің,
Сол менің көздегенім.
кешірім сұрағаным
Өз арым, өз беделім!”, – дейді әнші.
“Өзіңді өзің түсірме, жігіттің сұлтаны”, “Сендей талант жоқ əндеріңді сүйіп тыңдаймыз, даусың керемет. Көре алмағандардың ісіне мəн бермеңіз. Асылға қанша лас жаққанменен саф алтын шын талант сол күйінде қалады, сіз де сондайсыз. Тек алға Төреш тума талант”, деп жақтады әншінің тыңдармандары.
“Артық кеттің ғой көп жерде”, “Ақтала бермеңіз, бәрібір ешкімнің ойы өзгермейді. Қандай екеніңізді көрсеттіңіз. Алладан тек жұлдыз ауруынан айығуды сұраңыз!”, – дейді желідегілердің екінші тобы.
Бірақ желідегі жұртшылықты оның кешірім сұраған өлеңі емес, қап-қара киімдегі суреті елеңдетіп қойды. Иегіне қойған шоқша сақалы, басына киген тақиясы тіпті елді шошытты. Онсыз да ел оның әйелінің жабық киімде жүретінін жақсы білуші еді…
Бұл ретте “Сендерге керегі осы болса, деп бұл бізге қыр көрсетіп жатқан жоқ па” деген пікірлер де айтылды. Жалпы, бұл сөздің жаны бар секілді.