Алматылық «Қайрат» өз алаңында грекиялық «Панатинаикостан» ойсырай жеңілді
Алматыда грекиялық «Панатинаикосқа» 1:5 есебімен ойсырай жеңілген «Қайрат» Конференциялар лигасының жалпы кестесінде 31-орынға түсті. Екі турдан кейін алматылық клубтың еншісінде бір ғана ұпай бар.
Қонақтар матчтың басынан басымдық танытып, алты минутта есеп ашты. Бірінші таймда тағы бір гол соққан грек клубы үзілістен кейін үш рет мергендік танытты. Ал алматылықтар сапынан жалғыз голды 79-минутта Бекболат соқты.
Қазақстандық клуб алғашқы турда Латвия астанасында «Ригамен» ойнап, 1:1 есебіне тең түскен еді. Сол кездесуде алған ұпайы команданы кестенің ең соңына түсіп қалмауына көмектесті.
Енді Рафаэль Уразбахтин шәкірттерін Италияның «Аталантасы», Швецияның «Мьельбюі» және турнирдегі өзге қарсыластармен кездесулер күтіп тұр. Алғашқы сегіздікке енген командалар 1/8 финалға тікелей жолдама алады. Ал 25-орыннан төмен түскен клубтар жарыстан шығады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе