Коронавирусқа қарсы вакцина мұнай нарығына әсер етті — Brent бағасы 8,5%-ға артты

АҚШ-тағы президенттік сайлауда Байденнің жеңгені туралы хабарланғаннан кейін мұнай нарығы біршама жанданды. Сонымен, 9 қарашаның бірінші жартысында Brent және WTI құны шамамен 2,5%-ға өсті. Джо Байден — жасыл энергетиканың жақтаушысы, сондықтан ол тақтатас саласын және Трамп бастаған бірқатар инфрақұрылымдық жобаларды қолдауды тоқтатады деу қисынды. Бұл нарықтағы ұсыныстың төмендеуіне әкелуі мүмкін. Бірақ бағаның өсуіне кешкі жаңалықтар түрткі болды. Неміс BioNTech және америкалық фармацевтикалық алпауыт Pfizer коронавирусқа қарсы вакцинаның клиникалық сынағының  үшінші кезеңі сәтті өткенін хабарлады. Ол 90%-дан астам жағдайда өз тиімділігін көрсеткен.

Болжам бойынша вакцина қараша айында тіркеледі деп күтілуде. Яғни қатты локдаунның алдын алуға болады,

бұл әлемдік экономиканың қалпына келуіне және шикізатқа сұраныстың өсуіне әкеледі.

Нәтижесінде Brent сұрыпты мұнайдың құны бір күнде 8,5%-ға ұлғайып, 43 доллар (үш апталық максимум) белгісінен өтті. Солтүстік Американың WTI бағасы – 9,2%-ға қымбаттады, барреліне 40,6 долларға дейін жетті.

Ливия үлкен ойынға қайта оралды

Вакцинаның дамуына байланысты жағымды жаңалықтардың қуанышы қазір мұнай нарығындағы барлық жағымсыздықты жойды. Мысалы, 7 қарашада Ливияда өндірістің күрт артқаны белгілі болды.

«Ұлттық мұнай корпорациясы өндірісті тәулігіне 1 036 035 баррельге дейін арттыра алды деп хабарлады», — делінген Ливия ұлттық компаниясының (NOC) Facebook-тегі хабарламасында.

Доллардың дәуірі өтіп бара жатыр, теңге қандай болуы керек? — Своик

Алайда тәуліктік өндіру ағымдағы деңгейде сақталатынына сенім жоқ. Қажет болған жағдайда, ол азайтылуы мүмкін немесе мүлдем тоқтатылды. Айта кетейік, қыркүйек айының басында өндіру көлемі тәулігіне 100 мың баррельден аспаған.

ОПЕК-ке кіретін Ливияда Африкадағы көмірсутек шикізатының ең үлкен қоры бар. 2011 жылға дейін ол тәулігіне 1,6 млн баррель өндіретін, маңыздылығы жөнінен әлемдегі 12-ші әлемдік мұнай экспорттаушы. Бірақ елде басталған азаматтық соғыс көрсеткіштерге теріс әсер етті. Сала тұрақсыз жұмыс істейді, ал жыл басында елдің басты құю терминалдарының жұмысы тоқтатылды.

Ел келісімшарт міндеттемелерін орындай алмайтындықтан форс-мажор режимін жариялады

Қазір Ливия үлкен ойынға қайта оралды. 26 қазанда NOC елдің барлық мұнай кен орынындағы өндіруісті қайта бастайтынын, сондай-ақ барлық құймалы порттан шикізат экспортын қалпына келтіретінін жариялады. 31 қазанда корпорация басшысы Мұстафа Саналла Ливияда мұнай өндіру тәулігіне 800 мың баррель деңгейіне жеткенін мәлімдеді. Сондай-ақ, ел 2021 жылдың басында тәулігіне 1,3 млн баррель өндіру деңгейіне жетуді жоспарлап отырғанын атап өтті.

Қысқарту керек

Ливиядағы өндірістің өсуі ОПЕК+ елдері үшін тағы бір проблема болуы мүмкін. Естеріңізге сала кетейік, шикізат бағасының өсуін ынталандыратын келісім мұнай өндіруді 2020 жылдың тамызынан желтоқсанына дейін тәулігіне 7,7 млн баррельге дейін қысқартуды көздейді. 2021 жылдан бастап квота 5,8 млн-ға дейін төмендетілуі тиіс. Ал тәулігіне қосымша миллион баррельдің пайда болуы жоспарға өзгеріс енгізуге мәжбүр етеді. Бұл туралы Сауд Арабиясының Энергетика министрі, ханзада Абдель Азиз бен Сальман мәлімдеді.

Трамп Американың шынайы бейнесін көрсетті

«Біз келісімнің шарттарын бірнеше рет өзгерттік. Мен мынаны айта аламын: біз болашақта мәміле шарттарына сарапшылар болжағаннан көбірек  түзету енгіземіз», — деп жауап берді ол келесі жылғы жоспарлар туралы қойылған сұраққа.

Бен Сальман сонымен бірге келісім 2022 жылдың соңына дейін ұзартылуы мүмкін, дегенмен қолданыстағы жоспар бойынша 2022 жылдың сәуірінде аяқталады.

Саудиттер Азияға баса назар аударып отыр

Алайда, мұнайдың бағасы жоғары болуын жақтайтын саудиттер оны төмендетіп отыр. Қараша айының басында Saudi Aramco-ның клиенттеріне  тағы бір жеңілдік ұсынғаны белгілі болды. Олар өздері үшін маңызды Азия нарығында ең танымал Arab Light мұнайының бағасын 10 центке арзандатты. Сонымен қатар, ол Oman/Dubai аймақтық эталонының бағасына 50 цент жеңілдікпен сатылады.

Басқа сорттар қосымша 10-20 центке арзандайды.  Сауд Арабиясы АҚШ-та сатылатын сорттардың бүкіл желісінің бағасын біркелкі төмендетуді жоспарлап отыр — барреліне 20 цент.

Пандемияның екінші толқыны Ұлттық қордың инвестициялық табысын «жалмап» үлгерді

Бірақ Сауд Арабиясының барлық мұнайы еуропалық сатып алушыларға қымбат бағамен сатылады. ЕО-ның солтүстік-батысында Arab Extra Light және Arab Light маркаларының бағасы 60 центке өседі. Біріншісі желтоқсанда Brent-тен 1,3 долларға, екіншісі 1,4 долларға арзан сатылады. Arab Medium және Arab Heavy сатып алушыларына Brent-ке $1,3 жеңілдік  беріледі. Бұл жағдайда бірінші сорттың бағасы 70 центке, ал екіншісі — бір долларға өседі.

Сарапшылар атап өткендей, Saudi Aramco-ның баға саясаты олардың Азияда көбірек мұнай сатуға дайын екенін көрсетеді. Онда Еуропаға қарағанда қатаң локдаун енгізілген жоқ.