Ақмола облысында сәбиін емізіп отырып өлтіріп алған әйелге сот үкімі шықты
Ақмола облысының Ақкөл қаласында сәбиінің өліміне себеп болған әйелге сот үкімі шықты. Оқиға кезінде әйел алкогольдік ішімдік ішкен күйде баласын емізіп отырып ұйықтап қалған.
Сот материалдарына сәйкес, әйел түнде баласын емізіп отырған кезде ұйықтап кеткен. Кейін оянған кезде сәбиінің қозғалыссыз жатқанын байқап, жедел жәрдем шақырған. Дәрігерлер баланың тұншығып көз жұмғанын анықтаған.
Сот отырысында прокурор әйелге бас бостандығын шектеу жазасын тағайындауды сұрады.
Жаза тағайындау кезінде сот әйелдің жасаған ісіне шын жүректен өкінгенін жазаны жеңілдететін мән-жай ретінде ескерді. Ал қылмысты алкогольдік масаң күйде жасауы жазаны ауырлататын мән-жай ретінде танылды.
Сот үкімімен әйелге 1 жыл 6 ай мерзімге бас бостандығын шектеу жазасы тағайындалып, пробациялық бақылау белгіленді. Сот үкімі әзірге заңды күшіне енген жоқ.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз