Өскеменде дәмханадағы жанжалдан полиция қызметкері қаза тапты
Өскеменде дәмханалардың бірінде болған жанжал салдарынан 40 жастағы ер адам қаза тапты. Ол полиция қызметкері болған.
Оқиға 4 қазанға қараған түні болған. Шығыс Қазақстан облысы полиция департаментінің мәліметінше, дәмханаға келушілердің бірі өзін дұрыс ұстамағаны үшін ескерту жасаған 40 жастағы ер адамға дене жарақатын келтірген. Жәбірленуші алған жарақаттарының салдарынан оқиға орнында көз жұмды. Тағы бір адам зардап шеккен.
Күдікті ұсталып, уақытша ұстау изоляторына қамалды. Полицияның хабарлауынша, қаза тапқан азамат құқық қорғау органының қызметкері болғанымен, оқиға кезінде қызметтік міндетін атқармаған.
Аталған факті бойынша қылмыстық іс қозғалды. Тергеу жалғасып жатыр. Істің мән-жайына байланысты өзге ақпарат әзірге жарияланбайды.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз