Түркиядағы әскери төңкеріс әрекетіне байланысты, негізінен, 15 рейстің ұшуы шегерілген екен. Бірақ оның екеуі ескертуге қарамастан Қазақстаннан ұшып кеткен.
Бұл туралы шұғыл брифинг өткізген ҚР Инвестициялар және даму вице-министрі Берік Қамалиев мәлім етті деп хабарлайды ҚазАқпарат.
– Біздің қолда бар мәліметке сүйенсек, Ыстамбұл, Анкара қалаларының әуежайларындағы жағдай қиын. Анталия әуежайына қатысты айтар болсам, қазір Түркияның авиация саласындағы билігімен байланысқа шығып, қосымша хабарлайтын боламыз, – деді Берік Қамалиев.