Астана әуежайынан елімізде заңсыз жүрген 19 украин азаматы ұсталды
Елорданың әуежайынан елімізде заңсыз жүрген 19 украин азаматы ұсталды.
Бұл туралы ҚР ІІМ көліктегі ішкі істер департаментінің баспасөз қызметі хабарлады.
„26 шілде күні Астана қаласы әуежайындағы желілік полиция бөлімінің көші-қон полициясы қызметкерлерімен Астана қаласы әуежайындағы күту залында төлқұжаттар мен көші-қон карточкаларына тексеру кезінде Қазақстан Республикасында болу мерзімі өтіп кеткен 19 Украина азаматы анықталды. Оларға қатысты әкімшілік іс қозғалып, Астана қаласының мамандандырылған әкімшілік сотына жолданды„ делінеді құзырлы орган таратқан хабарламада.
ҚР ІІМ көліктегі ішкі істер департаментінің мәліметінше, жыл басынан бері Қазақстан Республикасында болуға рұқсат беретін визасының уақыты өтіп кеткен 2 338 шетел азаматы әкімшілік жауапкершілікке тартылды, оның ішінде көші-қон заңнамасын өрескел бұзған 161 шетелдік ел аумағынан тысқары шығарылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе