18+
Нұр-Сұлтан
Қазір
-3
Ертең
3
USD
379.29
0.00
EUR
426.4
0.00
RUB
5.93
0.00

«Жаспын ғой». Мөлдір Әуелбекова екінші рет тұрмысқа шығатынын айтты

Алғашқы некесі сәтсіз аяқталған Мөлдір Әуелбекова екінші рет тұрмысқа шығуға қарсы емес екенін мәлім етті. Ұлының жалғыз өскенін қаламайтын әнші тағдырдың жазғанына бағынатынын айтты.

Бұрынғы күйеуі Арыстанмен баласы Салтай туылғаннан кейін ажырасып кеткенін ел алдында мойындаған әнші алдағы бақыттан үмітін үзбейтінін жасырмады.

«Тағдырыма солай бұйырып тұрса, неге шықпасқа?! Мен әлі жаспын», — деді әнші.

Айта кетейік, осыған дейін Мөлдір Әуелбекова күйеуінің өзін тастап кеткенін жылап отырып айтып берген болатын.

Сондай-ақ әнші ұлы Салтайды халыққа көрсетіп, ұлын әкесінің іздемейтінін жасырмады.

Әнші бұрынғы күйеуінің өзге адамға кеткенін айтып, ол кісімен қайта қосылмайтынын да мәлім еткен болатын.

Алайда арада біраз уақыт өткенде әнші өзінің бұрынғы жұбайының қайта хабарласқанын, күйеуінің ұлы Сартайдың туған күнін бірге өткізгісі келгенін жайып салды.