Ташкентте Шанхай ынтымақтастық ұйымының саммиті басталды
Ташкентте бүгін Шанхай ынтымақтастық ұйымының саммиті басталады. Саммит 23-24 маусым аралығында өтеді. Оған ШЫҰ елдерінің барлық басшылары қатысатындарын растады. Ташкентте өтетін шараға ШЫҰ елдерінің, халықаралық ұйымдар мен шетелдік БАҚ-тан бір мыңға жуық өкілдер келеді.
Көшбасшылар ұйым қызметін жетілдіру үшін қандай тәсілдер қабылдау қажеттігін талқылайды, экономикада, қауіпсіздік және лаңкестікке қарсы іс-әрекет саласындағы ынтымақтастықты қарайды, өзекті халықаралық проблемалар сөз болады, деп жазды РИА Новости.
ШЫҰ-ға Ресей, Қытай, Қазақстан, Қырғызстан, Тәжікстан және Өзбекстан кіреді. Беларусь, Моңғолия, Үндістан, Иран, Пәкістан мен Ауғанстанға бақылаушы мәртебесі берілген. 2015 жылы ШЫҰ-ға Үндістан мен Пәкістанды ұйымға қабылдау рәсімі басталады. Ұйымға Өзбекстан төрағалық етеді.
Самитте Еуразиялық экономикалық одақ және Жібек жолы экономикалық белдеуі желісі интергация мәселелері де қаралмақ.
Ташкент саммитінде Иранның ШЫҰ-ға кіру туралы өтініші қаралатын болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе