Ресейдің Жоғарғы соты сәрсенбі күні Украина Жоғарғы Радасының депутаты, қырым татарларының жетекшісі Мұстафа Джемилевтің апелляциялық арызын қарайды. Джемилевке Ресей аумағына кіруге бес жылға тыйым салынған.
Мұстафа Джемилев — Украина азаматы, қырым татарлары мәжілісінің бұрынғы басшысы, Қырымның Ресеймен аннексиялануына және оккупациялануына қарсы шыққан саясаткер. 2014 жылы Джемилевке Ресей аумағына кіруге бес жылға тыйым салынды. Ресей билігі оның сөздерін “экстремистік” деп тапты. Джемилевке Ресейде үш бап бойынша қылмыстық іс қозғалған, бірақ олардың қандай баптар екені жарияланбады. Саясаткерге федералдық іздеу жарияланған.