Референдум: Ұлыбританияның Еуро одақтан шығуын қолдаушылар саны басым

24 маусым 2016, 11:41

Сонымен Ұлыбританияның Еуро одақтан шығуына дәл қазіргі есеп бойынша дауыс бергендер саны 14,6 миллион адам, ал оған қарсы дауыс берушілер — 13,6 миллион. Сайлауға келушілердің көлемі жалпы халықтың 70 пайызын құрайды.

Шотландия мен Солтүстік ирландия, сол секілді Лондон тұрғындары Одақтан шығуға қарсы дауыс берді.

Ұлыбританияның үкімет басшысы Дэвид Кэмерон бір сағаттан кейін бұл референдумның ресми қорытындысын жариялайды деп күтіліп отыр.

Егер Ұлыбритания Еуро одақтан шығатын болса, бұл халықаралық экономиканың бүлінуіне әкеледі. Сондықтан сарапшылар барша әлемге ағылшындардың одақтан шықпағаны тиімді екенін айтып жатқанын еске сала кетелік.