“Пистолетім бар, байқа!”. Жұртты қарумен қорқытқан жігіттің қолындағысы микрофон болып шықты

Кеше шаһардағы бөбекжайдың біріне ентіге кірген ер азамат ондағыларды түгел жайратамын деп, қолындағы белгісіз затты оңды-солды сермеп, жұрттың зәре құтын қашырған. Артынша күзетшімен жағаласып, ақыры өзі қашып кеткен еді. Көп ұзамай бұзақыны тәртіп сақшылары оны сол маңдағы үйінен ұстап әкелді. Тентектің психикалық ауытқуы болуы да мүмкін деп топшылайды полицейлер. Қазір бүкіл күштік құрылымды аяғына тік тұрғызған жігіттің ақыл-есінің дұрыс-бұрыстығы тексеріліп жатыр.