Солтүстік Қазақстан облысының полицейлері мен төтенше қызметтің қызметкерлері өңірдегі төтенше жағдайдың алдын алды.
Бұл туралы облыстық Төтенше жағдайлар департаментінің баспасөз қызметі хабарлады.
Петропавл қаласының полицейлері жол апаты орын алған жерді лезде қоршауға алып, жол қозғалысын реттеуді өз қолына алған. Төтеншеліктер өртенбес үшін «Бензовоз» тіркемесін көбіршікпен бөгіп тастады. Жанар-жағармай ағып, суды ластамас үшін ондағы сұйықтықты басқа бензовозға сорып, құйылды.
9-ақпанда сағат 00-20 уақытында құлаған көлік апат орнынан алынып, жақын маңдағы автотұраққа жеткізілді. Жол апаты кезінде «МАН» автокөлігіне айтарлықтай зиян келген.
„Қазсушаруашылығы„ мекемесінің Есіл өзеніндегі Петропавл су торабына зақым келген жоқ, жұмыс тоқтаған жоқ. Зардап шеккендер де болмады, – дейді Солтүстік Қазақстан облысы төтенше жағдайлар департаментінің бастығы, полиция генерал-майоры Берік Билялов.
Жол апаты фактісі бойынша, көлік жүргізушіге әкімшілік хаттама толтырылды.