Павлодардың қақ ортасында атысқандар ұсталды
Павлодарда атысқандар ұсталып, олардан Lexus көлігі пен қаруы тәркіленді.
Павлодар қаласының қақ ортасында оқ атқандар ұсталды, – деп хабарлайды облыстық ішкі істер департаментінің баспасөз қызметі.
“Іздеу шаралары жүргізіліп, атысқа қатысы бар тұлғалар анықталды және ұсталды. Барлығы – Павлодар облысының тұрғындары. Олардан Lexus маркалы көлігі мен қаруы тәркіленді”, – дейді баспасөз қызметінің өкілдері.
Полициядағылар жараланған ер адамның бұрын бірнеше рет сотталғанын айтады. Сонымен қатар, ол тергеуді жаңылдырмақ болған.
“Зардап шегуші жанжалдың шынайы себебін және қашып кеткендердің тұлғасын жасырып, тергеуді шатыстырмақ болды”, – дейді аймақтық ІІД өкілдері.
Зардап шеккен 33 жастағы азаматтың бетін оқ жанап өткен, арқасына да оқ тиген. Алайда оның жарақаттар өміріне қауіпті емес көрінеді. Ер адамның айтуынша, жанжал көлік тұрағындағы орынға таластан туындаған.
Күдіктілерді ұстау үшін қалада арнайы жоспар жарияланды. Атысқа қатысушыларды ұстау үшін Павлодар облысымен қоса, Астана мен Ақмола облысының, сондай-ақ Ресейдің Омбы облысы мен Алтай өлкесінің құқық қорғаушылары тартылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе