Нөсер жаңбырдан соң Теміртау қаласының көшелері суға толды (видео)

Қарағанды облысындағы Теміртау қаласында нөсер жауын салдарынан көшені су басты.

Кенші қаланың тұрғындары тасқын суды бейнежазбаға түсіріп, роликті әлеуметтік желіге орналастырған. Видеода көшеде жаяу жүргіншінің су кешіп жүргенін, ал көліктердің қайыққа ұқсап жүзіп жүргенін анық көруге болады. Авторлардың кейбірі бейнежазбада Теміртауды Венециямен салыстыруда.

Бір қарағанда, мұндағы жайт жаңбырлы Алматының күйін көз алдыңызға елестеді.