Мәссаған! Стамбулда ұсталған қырғыздағы 9,5 млн доллар Гүлен қозғалысына арналған
Түріктің Стамбул қаласында тіркеуден өтпеген 9,5 миллион доллармен жеті адам ұсталды. Milliyet газетінің мәліметі бойынша, тәркіленген қаражат ФЕТО ұйымына арналған. Түрік билігі бұл ұйымды Фетхуллах Гүленге қарасты террористік ұйым деп есептейді.
Қаражат ұйымның қамаудағы, тергеудегі немесе жұмыссыз қалған мүшелеріне арналған делінеді.
Қырғызстанның Стамбулдағы Бас консулдығының мәліметі бойынша, 18 қарашада “Ататүрік” әуежайына ұшып келген жеті жолаушы ұсталды – Қырғызстан мен Өзбекстанның бір-бір азаматы, қалған бесеуі – түріктер. Олар декларацияланбаған 9,5 млн доллар өткізбек болған.
Полиция күдіктілердің ФЕТО ұйымына қатысы бар-жоғын тексеріп жатыр.
Еске салсақ, Түркия президенті Режеп Тайып Ердоған қазір АҚШ-та тұратын Фетхуллах Гүленді биыл 15 шілдедегі сәтсіз аяқталған әскери төңкерісті ұйымдастырды деп айыптады. Осы мәлімдемеден кейін Түркияда Гүленге қатысы бар ұйымдар мен кәсіпорындар жабыла бастады.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз