Әкім ауызашар берді

Павлодар облысының әкімі Болат Бақауов қасиетті Рамазан айының алғашқы күні «Мәшһүр Жүсіп» орталық мешітінде ауызашар берді. Бұл туралы ақпарат Қазақстан мұсылмандары діни басқармасының сайтында жарияланды.

743701_1465273176_890_530_0Ауызашарға Павлодар қаласының құрметті азаматтары, ақсақалдар мен мешіт жамағаты бар барлығы 300 адам қатысты.

Қазақстан мұсылмандары діни басқармасының өкілі, имам Нариман Ермекұлы ата-бабалар рухына Құран бағыштап, Алла Тағаладан елімізге береке, Отанымызға тыныштық тілеп, дұға жасады.

Одан соң облыс әкімі Болат Бақауов көпшілікті сағына күткен қасиетті Рамазан айының келуімен құттықтады.

— Рақым айы – Рамазан құтты болсын! Қасиетті айда ұстаған оразамыз, жасаған дұға-тілектеріміз, құлшылық-ғибадаттарымыз, әрбір қайырлы амалдарымыз қабыл болғай! Алла Тағала отбасымызға амандық, жұмысымызға береке-бірлік нәсіп еткей! Тәуелсіздігіміз баянды, еліміз аман, жұртымыз тыныш болғай,-деп лебізін білдірді өңір басшысы.

Ауызашар соңында да Құран оқылып, ел тыныштығы үшін дұға жасалды.

Загрузка...