Карина Горичева – олимпиаданың қола жүлдегері
Рио Олимпиадасында бақ сынаған ауыр атлетіміз Карина Горичева Қазақстан құрамасының қоржынына төртінші медальді салды.
63 келі салмақта өнер көрсеткен Горичева қола медальді қанжығасына байлады. Жалпы қорытындыда ол 243 келіні бағындырды.
Бұл салмақта әлемнің үш дүркін чемпионы қытайлық Дэн Вэй (262 келі) алтын алса, екінші орын солтүстік кореялық ауыратлет Чхве Хе Симге (258 келі) бұйырды.
23 жасар Карина Горичева Талдықорғанда туған. Ауыр атлетикамен 15 жасынан бастап айналыса бастапты. Жерлесіміз бұдан бұрын жасөспірімдер арасындағы әлем чемпионатының күміс және қола жүлдегері атанған. Универсиада аламанында күміспен күптелген. Ал 2015 жылғы Әлем чемпионатында бесінші орынды иеленген болатын.
Горичеваның қоласы Қазақстан құрамасының қоржынындағы әзірге төртінші медаль. Бұдан бұрын дзюдошы Елдос Сметов күміс алса, оның әріптесі Галбадрах Отгонцэцэг және тағы бір зілтеміршіміз Фархад Харки қола медальды қанағат тұтқан-тұғын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз