Бестөбедегі шахтада қару қолданған екі күзетші қамауға алынды
Бестөбедегі «Қазақалтын» ЖШС шахтасында орын алған оқиғаға байланысты екі күзетшісі уақытша ұстау оқшаулағышына тоғытылып, олардың үстерінен қылмыстық іс қозғалды.
ҚазАқпараттың хабарлауынша, облыстық ішкі істер департаментінің баспасөз қызметі екі күзетшінің үстінен ҚР Қылмыстық кодексінің 252-бабының 2-бөлімі бойынша сотқа дейінгі өндірістік іс қозғалғанын жеткізген.
Еске сала кетсек, 16 маусым күні кешкі 20:30 шамасында Бестөбедегі «Қазақалтын» ЖШС шахтасында жұмыс ауысымы аяқталар сәтте кен орнының күзетшілері мен жұмысшылары қақтығысып қалған. Салдарынан 10 шақты адам зардап шекті. Бұл оқиғаның видеосы да интернетте жарияланып кеткен болатын.
ҚР Ішкі істер министрлігі жарақаттанғандар саны 10 адам деп отыр. Бірақ Бөстөбе ауылы әкімдігінің өкілдері зардап шеккендер саны 14 адам дегенді алға тартады. Оның үшеуі ауруханаға жеткізілген екен. Олардың арасында заңсыз алтын іздеушілер де бар көрінеді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз