Нұр-Сұлтан
Қазір
5
Ертең
8
USD
430
-2.45
EUR
505
-1.23
RUB
5.55
+0.03

Бекзат Саттарханов туралы фильм түсірілмек

Бұл туралы «Хабар» телеарнасының бас продюсері Айдос Тұрысбек ҚазАқпаратқа берген сұхбатында мәлім етті.

«Бүгінде «Хабар» агенттігі боксқа қатысты бірнеше авторлық жобаларды түсіруді қолға алуда.

Атап айтсақ, Олимпиада чемпионы, біздің мақтанышымыз Бекзат Саттарханов туралы ғұмырнамалық толықметражды фильм түсіруге дайындық жұмыстары жүріп жатыр.

Сондай-ақ, жуырда еліміздің бокс федерациясының 85 жылдығына арналған деректі фильмді көрсетеміз.

Одан бөлек, АҚШ-та жүріп отанымыздың намысын қорғап жүрген боксшылар туралы деректі туынды жасау да жоспарда бар», – деді «Хабар» телеарнасының бас продюсері Айдос Тұрысбек.

«Бекзатты қазір ешкім есіне де алмайды». Чемпионның ата -анасы өз наздарын жеткізді

Бас продюсер аталған жобаларды түсіру телеарна көрермендері алдындағы үлкен жауапкершілік екендігін айттты.

«Саттархановқа қатысты жоба 2 тілде түсіріледі. Онда боксшының өмірбаяны мен үлкен спорттағы жеткен жетістіктері туралы баяндалады.

Алдымен 5 бөлімнен тұратын сериал ретінде түсіру жоспарлануда, одан бөлек ғұмырнамалық толық метражды фильм түсіріледі.

Бүгінде телетуындыны түсіруге дайындық яғни, боксшының ата-анасымен және бапкерлерімен келіссөз жұмыстары жүріп жатыр. Фильмді танымал режиссер Мұрат Бидосов түсіреді және ол өз көрермендеріне 2019 жылы жол тартады», – деді ол.

«Ұлым…». Марқұм Бекзат Саттархановтың анасы өз шындығын айтты (видео)

Сонымен қатар, телеарна продюсері фильмді түсіруге еліміздің танымал боксшылары кеңесші ретінде тартылатынын және оның негізгі бөлімі спортшының туған жері Түркістанда түсірілетінін айтты.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз