Атырау қаласында мүмкіншілігі шектеулі балалар мен әлеуметтік жағынан аз қамтылған отбасылардың балалары үшін қайырымдылық жасыл шырша мерекесін өткізді.
Үш күн бойына,яғни 11-13 қаңтар күндері жаңа жылдық мерекелік шараларды «Ембімұнайгаз» АҚ компаниясы өткізді.
– Компания үшін көмекке мұқтаж балаларға қайырымдылық шараларын өткізу дәстүрге айналған. Денсаулықтарына және басқа да себептерге байланысты уақыттарының көбін үйде өткізетін балалардың мерекелік көңіл-күйді сезінулеріне жағдай жасау – ембілік мұнайшылардың үнемі назарында, – деп атап өтті мерекелік шарада бас директордың жаңа жобалар және технологиялар жөніндегі орынбасары Ануар Жақсыбеков.
Жасыл шырша мерекесіне 1400 бала қатысты. Олар үшін ертегі кейіпкерлерінің қойылымдары ұсынылып, концерттік бағдарлама ұйымдастырылды, жаңа жылдық сыйлықтар таратылды. Мерекелік шара кезінде компанияның «Жас мамандар» кеңесінің мүшелері белсенділік танытты.