Алматы полициясы ШҚО-дан келген автоұрылардың жолын кесті. Қалалық ІІД баспасөз қызметі қарақшыларды ұстау барысында атыс болғанын жоққа шығарды.
“Жұмалиев пен Қарасай батыр көшелерінің қиылысындағы тұрғын үйлердің бірінің ауласын күдікті тұлғалардың аңдып жүргені туралы хабарлама келіп түсті. Күдіктілер Mitsubishi Galant көлігімен жасырынбақ болды Кезекшілер олардың соңына түсті. Бірнеше полиция жасағы қарақшылардың жолын жапты. Сейфуллин мен Мақатаев көшелерінің қиылысында аталған көлікті айдап келе жатқан ер адам рөлге ие бола алмай бағанаға соғылды. Екі күдікті де ұсталды. Олардың Шығыс Қазақстан облысынан келгендері анықталды”, – деді Алмалы облысы полиция бөлімшесінің басшысы Данияр Меңдебаев.
“Фигуранттар ұрланған автокөлікті пайдаланып, оған жалған мемлекеттік нөмір тағып ұрлық жасамақ болған. Ұсталғандардың мүліктерді ұрлау сияқты басқа да қылмыстарға қатысы бар-жоғы тексеріліп жатыр. Атыс болған жоқ. Бұл туралы ақпарат шындыққа сәйкес келмейді”, – деді ІІД.