Алматы-І теміржол вокзалында жарылғыш заттың қойылғаны туралы ақпарат расталмады.
Бұдан бұрын тараған ақпаратқа сәйкес, Алматы 1 теміржол вокзалының күту залында жарылғыш заттың қойылғаны туралы мәлімет жарияланған еді. Аталмыш вокзалдағы полицияның кезекші бөліміндегі қызметкерлердің айтуынша, сағат түскі 11-ден 12-ге қараған шақта вокзалда кезекшілік атқарып жүрген полиция қызметкерлері кассалар залынан күту залына кіреберістегі орындық маңынан күдікті қорапты тапқан.
Оқиға орнына жедел жеткен саперлер қораптың ішінен жеміс-жидек өнімдерін тапқан.
Қазіргі таңда дабыл белгісі тоқтатылып, вокзал штаттық тәртіпте жұмыс істеуге көшкен.