“Ата Мекен” парламенттік фракциясының лидері Өмірбек Текебаевтың ұсталуы оның Кипрде анықтаған құжаттарға тікелей байланысты. Осылай деп Бішкекте арнайы баспасөз мәслихатын өткізген “Ата Мекен” партиясының заңгері Таалайгул Токтакунова мәлімдеді.
Оның сөздерінше, Текебаев Кипрге барған сапарында Бішкекте апатқа ұшыраған «Боинг-747» жүк ұшағына қатысты маңызды құжаттар алған. Алайда Текебаев оны жариялап үлгермеген. «Ата Мекен» заңгері құқық қорғау органдары осы құжатты бірінші болып қолға түсіру үшін, Текебаевты әуежайда ұстаған. Оған тіптен адвокатты да жібермеген.
Оның мәліметінше, бұл құжаттар тек ғана уақытша депутаттық комиссияға беріледі.
Текебаев 13 ақпанда президент Алмазбек Атамбаевтың Кипр оффшорында мүлкін тапқанын мәлімдеген. Саясаткер таяу уақытта бұл жөнінде кеңінен мәлімет беретінін айтқан. Сол күні Атамбаев Бас прокуратураға Текебаевтың мәлімдемесіне қатысты шара қолданып, тексеруді талап еткен.
https://www.youtube.com/watch?v=hCegJopmbQQ