Атырауда лифт апатты түрде төмен түсіп, үш адам ауруханаға жеткізілді
Атырауда тұрғын үй кешендерінің бірінде лифт апатты түрде төмен түсіп, үш адам ауруханаға жеткізілді. Оқиға 5 қазан күні Құлманов көшесіндегі «Гранд Атырау» тұрғын үй кешенінің «Б» блогында болған. Алдын ала мәлімет бойынша, лифт кабинасында төрт адам болған. Үш тұрғын медициналық көмекке жүгініп, ауруханаға жеткізілді. Олардың жағдайы қанағаттанарлық. Төртінші тұрғын дәрігер көмегінен бас тартқан.
Медициналық мекеме мәліметінше, үш науқас травматология бөліміне жеткізілген. Оларға қажетті тексеру жүргізіліп, медициналық көмек көрсетілгеннен кейін амбулаториялық ем алуға жіберілген.
Лифттің апатты түрде төмен түсуіне не себеп болғаны әзірге белгісіз. Оқиға орнына Атырау әкімі Данияр Таханов барды.
Әкімдік мәліметінше, қала әкімі жауапты қызметтерге оқиғаның себептерін жедел анықтауды және қаладағы көпқабатты үйлердегі лифтілердің техникалық жағдайын толық тексеруді тапсырды. Қазір оқиғаның мән-жайы анықталып жатыр.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз