Еуропалық қайта құру және даму банкі Семей қаласына қаржы аударды
Еуропалық қайта құру және даму банкі Семей қаласының жылу және су жүйелерін жаңғыртуға 11 млрд теңге бөлді.
Осыған орай Шығыс Қазақстанның облыстық әкімдігі мен халықаралық қаржы ұйымы несиелік келісімшартқа қол қойды деп хабарлады Хабар-24 телеарнасы.
– Бұл бюджетке түсетін жүктемені азайтады,- дейді мамандар.
Қаржыландыру келесі жылдың басынан басталып, жоспарлы жұмыстар 2018-жылдың соңына дейін толық аяқталуы тиіс. Бас-аяғы 28 шақырым су құбыры мен 25 шақырым жылу жүйесі жаңғыртылады. Бұдан бөлек, жоба аясында 7 мыңнан астам көше шамдарын ауыстыру жөнінде де келісім жасалған.
Гүлжан Алтынбекова, Қалалық экономика және бюджеттік жоспарлау бөлімінің жетекшісі:
– Егер де мына электр жарықтарын қосатын болсақ, шамамен 14 млрд теңгедей инвестиция келеді. Осы инвестицияны тартқаннан кейін қала тұрғындары үшін жұмыс орындары ашылады. Біз қала бойынша жыл сайын 45-48 миллиардтан артық инвестиция тартып отырмыз. Оның өзі жекеменшік инвестиция болып есептеледі.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз