Бүгін Парламент жұмысын аяқтап, депутаттар демалысқа кетті
Бүгін Парламент палаталарының бірлескен отырысы өтіп, алтыншы шақырылымның алғашқы сессиясында атқарылған жұмыстар қорытындыланды.
Бұл туралы ҚазАқпарат хабарлайды.
Еске сала кетсек, алтыншы шақырылған Парламенттің бірінші сессиясы 3 ай немесе 100 күннен аса ғана жұмыс істеді. Мәжіліс спикері Нұрлан Нығматулиннің айтуынша, бұл әдеттегі сессиялардың үштен бір бөлігіне ғана тең.
– Алайда, осы кезең ішінде ел өмірінде маңызды рөл атқаратын құжаттар қабылданды. Атап айтқанда, осы сессия барысында қос палатаның үш бірлескен отырысы, Мәжілістің 12, Сенаттың 6 жалпы отырысы өтті. Бұл кезеңде Мәжіліс қарауында 42 заң жобасы болды. 7 заң жобасын депутаттарымыздың өздері әзірледі. Осы сессияда Мәжіліс 13 заң жобасын мақұлдап, Сенат 12 заңды қабылдады, – деді Нұрлан Нығматулин.
Жұмысты қорытындылаған Мәжіліс спикері депутаттық корпустың алдағы заң шығару қызметіне табыс тіледі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе