Ақтөбенің тірі тұрғыны өзін «өлген террористер» тізімінен тауып алды
Тағы бір Ақтөбе тұрғыны өзінің аты-жөнін терактіге қатысып, көзі жойылған терроршылар тізімінен көріп, таң қалып отыр.
“Қадірлі қазақстандықтар, мен – Данияр Рамазанұлы Уайысов Ақтөбе қаласының тұрғынымын. 2016 жылы 12- маусымда интернет-сайттарда терактіге қатысқан лаңкестердің көзі жойылды деген ақпарат шығып, олар туралы мәліметтер пайда болды.
Оның ішінде менің де аты-жөнім жүр. Бірақ, көріп отырғандарыңыздай, мен тірімін. Бұл ретте мен БАҚ-тан, құқық қорғау органдарынан жалған ақпарат көрсеткендері үшін кешірім талап етемін”, – дейді жас жігіт Инстаграмдағы aktobe_zello парақшасында жарияланған видеода.
Бұған дейін Жаңажол орта мектебінде сантехник болып жұмыс істейтін 43 жасар Самат Қожаниязов та осындай жағдаймен бетпе-бет келген еді. Оның да аты-жөні 5-маусым күні шабуыл жасаған лаңкестер тізімінің бел ортасында жүрген. Оған бұл жайтты құзырлы мекеме өкілдері іздеу жарияланған лаңкестің фото-роботына сіздің бет-бейнеңіз ұқсас келіп қалған ғой деп түсіндірген.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз