Жерорта теңізінде мыңдаған босқын құтқарылды

13 просмотров

Италиялық теңізшілер Жерорта теңізінің Ливия жағалауынан 20 шақырым жерден алты мыңға жуық босқынды құтқарған. Эритрея мен Сомалиден шыққан мигранттар Еуропаға жеңіл қайыққа көптеп мініп өтпек болған.

Босқындарды құтқару операциясына Италияның жағалау күзеті қызметі мен БҰҰ-ның гуманитарлық миссиясы катерлері де қатысқан. Associated Press агенттігінің мәліметінше, БҰҰ өкілі «босқындар жеңіл қайықпен Ливиядан Италияға жете алмайтындарын біле тұра теңізге шыққанын» айтқан. Олар құтқарушылар кезігеді деп үміттенген.

Халықаралық миграция жөніндегі ұйымының мәліметі бойынша, биыл 105 мыңдай босқын Жерорта теңізі арқылы Италияға өткен, ал 2 мың 700-дей адам суға кеткен.

A2A95906-1B54-4E26-8A95-5CD796D0AB5E_w987_r1_s

Загрузка...