Жемқорлықпен айыпталған Жаманқұлов мемлекетке 6 миллион теңге қайтарды
Тұңғышбай Жаманқұлов ұрлаған ақшасының бір бөлігі – 6 миллион теңгені мемлекетке қайтарып берді.
Ол „Феникс„ фильміне бөлінген 69 миллион теңгені ұрлады деп айыпталады.
„Феникс„ фильміне бөлінген ақшаны ұрлағанын мойындаған атақты қазақ актері Тұңғышбай Жаманқұлов 6 миллион теңгені қайтарды деп хабарлайды ҚР сыбайлас жемқорлыққа қарсы және мемлекеттік қызмет істері агенттігінің төрағасы Қайрат Қожамжаровқа сілтеме жасап, Sputniknews.kz.
„Бүгіндері 6 миллион теңгені қайтарды. Ол „Қазақфильм„ алдындағы барлық қарызын төлеймін деп өзіне үлкен жауапкершілік алды„ – деді Қожамжаров Мәжілістің кезекті отырысынан кейінгі дәлізде журналистерге берген сұқбатында.
Сондай-ақ ол жасағанын мойындап, шындап өкінетінін білдіруіне байланысты қылмыстық жазадан босату туралы өтініш жасады. Бұл өтініш келтірілген шығынды Жаманқұлов, фильмнің атқарушы продюсері Юдина және „Қазақфильм„ АҚ-тың экономика және қаржы жөніндегі басқарушы директоры Ысқақова толықтай өтеген жағдайда қарастырылатын болады.
Еске сала кетелік, 2-қарашада қазақтың атақты актері Тұңғышбай Жаманқұлов ұсталған болатын. Кейіннен оның „Феникс„ фильміне бөлінген бюджет ақшасын ұрлағанын мойындағаны белгілі болды. Ол ақша жеке бастың қамына жұмсалған. Ол кінәсін мойындап, келтірілген шығынды өтеуге уәде еткен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе