Қазақстандық ауыр атлеттер, ақыры Рио олимпиадасына баратын болды.
Бұл туралы Халықаралық ауыр атлеттер федерациясының атқарушы комитетінің отырысынан кейін белгілі болды деп хабарлайды «МИР 24» телеарнасы.
Атқарушы комитеттің мүшелері үш күн бойына жабық есік жағдайында жұмыс істеді. Баспасөзге сұхбат беруге бір де бірі келіспеді. Рио олимпиадасына ресейлік, беларусь, қазақстандық спортшылар қатысады ма деген сұрақтың төңірегінде алып-қашпа сөздер үдей түсті.
«Олимпиадаға 10 адам емес, сегізі барады. Бұл бізге жақын Қазақстан, Беларусь, Әзірбайжан сынды республикаларға да қатысты», – деді жиыннан кейін атқарушы комитеттің бір мүшесі.
Конгрестің жұмысы өте шиеленісті өтті, оған қатысушылар әртүрлі командадағы допинг дауларды жекелей талқылаған.
Бүгін Рио-де-Жанейродағы қазақстандық ауыр атлеттердің қанын тексерген антидопингтік зертхана тестінің нәтижелерін қате көрсеткенін хабарлаған болатынбыз. Осыған орай, оның жұмысы 6 айға дейін тоқтатылды.