Астана
Қазір
1
Ертең
0
USD
366.43
0.00
EUR
420.11
0.00
RUB
5.58
0.00

«Жаз деп едік, қыс болды». Еліміздің кейбір өңірінде күн суытып, қар жауады

Жазға екі апта қалғанда еліміздің кейбір өңірінде жабысқақ қар жауады. Синоптиктер республиканың солтүстігі мен орталығында суық сақталатынын ескертеді.

Бұл туралы Sputnik.kz хабарлады.

«Республиканың солтүстік, орталық және шығыс аудандарына Батыс Сібірден арктикалық суық фронт жылжып келеді. Оның ықпалынан күн суытып, жауын-шашын болады. Кей жерлерде жаңбыр соңы жабысқақ қарға ұласады. Ауа температурасы нормадан 2-4 градусқа төмен болады деп болжанады», — деп хабарлады Қазгидромет.

Ал Қазақстанның батыс, оңтүстік және оңтүстік-шығысында ауа-райын төменгі атмосфералық қысым өрісі анықтайтын болады. Бұл өңірлердің кейбір жерінде өткінші жаңбыр жауып, найзағай жарқылдайды.

Батыста ауа температурасы климаттық нормадан жоғары, оңтүстік пен оңтүстік-шығыста нормаға жуық болады.