Нұр-Сұлтан
Қазір
2
Ертең
-1
USD
449
-1.43
EUR
484
-3.48
RUB
4.86
0.00

«Жаңа серпін» Жаңаөзеннің ажарын кіргізді

Аталған шара аясында бір ай бойы Жаңаөзен қаласы және оған жақын орналасқан елді мекендердің азаматтарына кәсіпкерлік бағытында мемлекеттік қолдаулардың қыр-сыры түсіндіріліп, білікті мамандар өз тәжірибелерімен бөлісіп, арнайы оқыту курстары ұйымдастырылған болатын.

– Тек ғана «Жаңа серпін» бағдарла­масы емес, жалпы кәсіпкерлікті дамытуға арналған шаралардың жүзеге асуына белсенді атсалысып жүрген өңір басшысы Алик Серікұлына алғысымды білдіргім келеді. Еліміз бойынша кәсіпкерлерге бірден-бір үлгілі қызмет көрсететін орталық осы Маңғыстау облысында орналасқан. Ақтау қаласында кәсіпкерлерге қызмет көрсететін орталыққа арнайы ғимарат беріп, жағдай жасаған облыс бас­шысына ризашылығымызды білдіреміз. Расында да «Жаңаөзенге – жаңа серпін» бағдарламасын қолға алған кезімізде іштей қобалжу болды. Жер­гі­лікті халық қалай қабылдар екен? Атсалысып, жобамызды қолдай ма? – деген сан сауалдың болғаны рас. Бір айдан кейінгі нәтиже қорытындысында халықтың жобаға қолдау көрсеткенін, мұндай бағдарламаның жаңа­өзен­діктерге қажет екендігін, кәсіпкерлікті дамытуға мұнайшылар қаласында жағдай жасалғанын көрдік. Енді арнайы білімдерін шыңдап, біліктіліктерін арттырған тұрғындар жеке кәсіп ашып, облыста кәсіпкерліктің дамуына үлес қосатын болады. Жалпы, еліміз бо­йынша алғаш рет Мұнайлы ауданында «Бастау» мектебі ашылған болатын. Жемісті еңбек еткен мұндай мектеп 2018 жылы еліміздің 94 аудан орта­лығында жұмысын бастайды, – деді жиында сөз алған ҚР «Атамекен» ҰКП-ның басқарма төрағасы Абылай Мыр­захметов.
Жиында ҚР Ұлттық кәсіпкерлер палатасы өңірлік даму департаментінің атқарушы директоры Дінмұхаммед Әбсаттаров «Жаңаөзенге – жаңа серпін» бағдарламасы бойынша жасал­ған жұмыстарға тоқталып, баяндама жасады. Ақпараттық-әдістемелік қол­дау іс-шаралар аясында бизнес-ор­таны жақсарту және дамыту жөніндегі «Жаңаөзенге – жаңа серпін» бағдар­ламасы бойынша бірқатар іс-шаралар атқарылған. Аталмыш бағдарлама ая­сында 700-ден астам жаңаөзендік тұр­ғын кәсіпкерлікті ашу, мемлекеттік бағдарламалар, әкімшілік кедергілер мен жер мәселесі, бизнес жоспарды жа­сақтау, бизнесті жүргізуде ин­фра­құрылымның қолжетімділігі, жұмыспен қамту жөнінде кәсіптік-техникалық оқу, қайта даярлау мәселелері бағы­тында білікті мамандардан жан-жақты кеңес алған. Сонымен қатар екі бизнес мектебі іске қосылған. «Bastau бизнес» жобасын  іске қосу бойынша өзін-өзі қамтыған және ісін жаңа бастаған жұмыссыз тұлғаларға кәсіпкерлік бел­сенділігін арттыру барысы оқы­тылған. Арнайы консультациялық орталық ұйым­дастырылып осы арқылы бас­таушы және жұмыс істеп тұрған кә­сіпкерлерге барлық шаралар бойынша қаржылық қолдау көрсетілген. Одан бөлек, «Bastau кәсіп» жобасы жұмыс­сыз­дарды оқытқан, оның ішінде жас­тарға басымдылық берілген. Одан бө­лек Жаңаөзен қалалық жастар ор­­­т­а­­­лығында «Жәрмеңке» форма­тын­да­ғы жиын ұйымдастырылып, білім департаменті жоғары оқу орындарының және  ҚР қорғаныс министрлігінің та­ныс­тырылымы өткен. Ақпараттық түсіндіру шарасына 850-ге жуық жо­ғарғы сынып оқушылары мен олар­дың ата-аналары қатысқан. Оларға жоғары оқу орындарына қалай түсу керектігі, жеңілдіктердің қарастырылу мәселесі бойынша толыққанды мәлімет берілген. Қорғаныс министрлігінің өкілі интер­нат­қа, кадет бөліміне өзге де әскери оқу орын­дарына түсудің шарттарын тү­сіндірген.
– Сондай-ақ елімізге танымал бе­л­гі­лі ақын, публицист әлеуметтік желі­лер­де 336 мың оқырманы бар Қалқаман Са­рин «Жаңаөзенге – жаңа серпін» жо­басын толыққанды жеткізу мақса­тын­да арнайы шақыртылды. Ол өз кезе­гінде шаһарда еркін форматта  шығар­ма­­шылық кешін ұйымдастырды. Со­ны­мен қатар Қ.Сарин «Атамекен» пі­кірталас клубының кезекті отырысын өткізді. Отырысқа арқау болған негізгі  тақырып  «МО АӨК дамуының бола­ша­ғы бар ма?». Жиынға 30-ға жуық сарап­шы, шаруа қожалық иелері, жергілікті ауыл шаруашылығы және су ре­су­рс­тары дамуына жауапты мамандар қатысты. Бизнес-ортаны жақсарту және дамыту жөніндегі «Жаңаөзенге – жаңа серпін» бағ­дарламасы бойынша шамамен 30-дан аса іс-шаралар өткі­зілді, – деген ҚР Ұлттық кәсіп­кер­лер палатасы өңірлік даму департаментінің атқарушы директоры Дінмұхаммед Әб­сат­таров мұнайшылар қаласында «Жы­лы­жай өндірісін ұйымдастыру» жо­ба­сын таныстырды. Жоба жүзеге асса, жылыжайдан бір отбасыға түсетін таза пай­да – 11,9 млн теңгені құрайтынын атап өтті. Сондықтан да «Жаңаөзен сервис және жаңа технологиялар колледжі» базасында ауылшаруашылық бағытындағы жаңа мамандықтарды ашу жөнінде ұсыныс айтты. Алдағы уақытта «Бір терезе» принципі бойын­ша Жаңаөзен қаласында толыққанды кәсіпкерлерге қызмет көрсету және call-centr қызметін көрсететін орта­лық­тар ашу,  «Серпін – 2050» жобасының тұрақты қызмет атқаратын штабын жасақтау бағытында да ұсынысын жеткізді.
Сондай-ақ жиында «Жаңаөзенге – жаңа серпін» бағдарламасына қатысқан бірқатар кәсіпкерлер сөз сөйлеп, пі­кір­лерін айтты. Тұрғындардың басым көпшілігі жер мәселесі, әкімшілік ке­дер­гілер, құжат рәсімдеуге қатысты  ша­ғымдар айтып, мал өнімдерін қа­был­дайтын орталық ашса деген тілектерін білдірді. Өз сөзінде ҚР «Ата­ме­кен» Ұлттық кәсіпкерлер пала­та­сының басқарма төрағасы Абылай Мырзах­метов көтерілген мәселелер аяқсыз қалмайтынын ескертіп, ауыл­шаруа­шылық саласы бойынша өндірілген өнімдерді қабылдайтын орталық ашу мә­селесін қарастырылатынын жеткізді.
– Кәсіпкерлердің атынан «Жаңа­өзенге – жаңа серпін» бағдарламасын ұйымдастырған азаматтарға алғыс ай­та­мын. Бір ай ішінде біз білімімізді толықтырып, көптеген ақпараттармен таныстық. Кәсіпкерлікті  алғаш қолға алған кездерімізде де көптеген ке­дер­гілердің болғаны рас. Алайда Үкіметтің арқасында, әртүрлі кәсіпкерлерді қолдаған бағдарламалардың нәти­же­сінде осы күнге жетіп отырмын. Бала­ларымды осы жұмысымның арқасында оқыттық… Бүгінгі жиында «қандай мәселе болса да, бірлесіп шешеміз, кә­сіп­керлерге барлық жағдай жасай­мыз» деген сөздеріңіз көңілімізді бір сер­пі­л­тіп тастады. Жаңа серпіннен алған білімімізді біз енді жұмысымызда қолданып, аймағымызда кәсіпкерліктің кең қанат жаюына үлес қосамыз, – деді қала тұрғыны Тілектес Болатбаева.
Мұнан кейін аймақ басшысы «Өзен Жылу» мемлекеттік коммуналдық кәсіпорнында, «Энергетик» балалар мен жасөспірімдер спорт мектебінде, жергілікті полиция қызметі бөлім­шесінде болып, жұмысымен танысты.
– Кіші жылу электр орталығын Тә­уел­сіздіктің 25 жылдығында іске қо­самыз деп жоспарлап отырмыз. Мұның нәтижесінде қаламызда тоқ өндіретін үш трубина іске қосылады. Яғни, «МАЭК» мекемесінен алатын тоқтан босатылып, жылу қазандықтарының өз алдына тоқ өндіретін боламыз. Ос­ы­лайша, кәсіпорынның әлеуметтік-эко­номикалық жағдайын жақ­сарт­пақ­шы­мыз. Орталықты іске қосу үшін 7 млрд-тан астам қаржы жұмсалды. Кіші жылу электр орталығы толықтай жұ­мы­сын бастаған кезде мемлекеттік меке­ме­лерге, қаладағы 245 тұрғын үйге жылу берілетін болады, яғни, жылу же­тіспеушілігі толықтай жойылады, – де­ген «Өзен Жылу» мемлекеттік комму­на­л­дық кәсіпорнының басшысы Әділбек Байрамұлы бүгінде кәсіп­орында 375 адам табысты еңбек ететінін айтты.

????????????????????????????????????

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз