Ұлттық бюро қайтадан жауап алу үшін Әбілязовты Қазақстанға шақырды
ҚР Сыбайлас жемқорлыққа қарсы іс-қимыл ұлттық бюросы жауап алу үшін Мұхтар Әбілязовты Астанаға шақырды.
Бұл туралы ҚР Сыбайлас жемқорлыққа қарсы іс-қимыл ұлттық бюросының баспасөз қызметі хабарлады.
“ҚР Сыбайлас жемқорлыққа қарсы іс-қимыл ұлттық бюросы “БТА Банк” АҚ бұрынғы топ-менеджменті Мұхтар Әбілязовқа және оның орынбасары Жарымбетовке және өзгелерге қатысты қылмыстық істің соталды тергеуін жалғастырып жатыр. Тергеуде Сыбайлас жемқорлыққа қарсы қызмет Әбілязов пен оның сыбайластарының заңсыз әрекеттерінің қосымша дәлелдерін тапты. Банктен қаражатты жымқырудың жаңа деректері анықталды. Анықталған деректер Әбілязовтың қылмыстық ұйым құрып, оған басшылық еткен деген қосымша күдік келіп отыр. Оның ішінде бірқатар ұйымдасқан қылмыстық топ кіреді, топ Қазақстан территориясында да, шетелде де әрекет еткен”, – делінген ведомство хабарламасында.
“ҚР Қылмыстық-процесстік кодексінің 208-бабының 1-бөлігі бойынша, күдікті жауап алуға шақыру қағазы арқылы шақырылады. Алайда күдікті Әбілязовтың Қазақстан Республикасында болмағандықтан және келуден бас тартқандықтан, Сыбайлас жемқорлыққа қарсы қызмет ҚР Қылмыстық-процесстік кодексінің 205-бабының 3-бөлігін негізге ала отырып, хабарламаны республикалық бұқаралық ақпарат құралдарында, сондай-ақ жалпыға қолжетімді телекоммуникациялық желілерде, ал оның тұрып жатқан жері белгілі болған жағдайда, күдіктінің тұрып жатқан жері бойынша бұқаралық ақпарат құралдарында жариялайды”, – деп мәлімдеді Ұлттық бюродағылар.
Еске сала кетелік, 2016 жылдың 9-желтоқсанда Франция түрмесінде 3 жыл болған Мұхтар Әбілязов босап шыққан болатын. Экс-банкирді Франциядан Ресей, Украина, сонымен Қазақстан да экстрадициялауды сұраған. Ресми деректер бойынша, 2005-2009 жылдары БТА банкке басшылық еткен Әбілязов бірнеше қаржылық алаяқтық істер бойынша айыпталып, күдікке ілінген. Ал оның үстінен іс қозғалған кезде ол шетел асып үлгерген еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе