Оңтүстік Корея парламенті осы аптада президент Пак Кын Хеге импичмент жариялау мәселесін қарайтын болады. Бұл туралы Reuters агенттігі хабарлады.
Мәселені 9 желтоқсанда қарайды. Импичмент үшін парламенттегілердің үштен екісі дауыс беруі керек. Ұсыныс қолдау тапса, онда мәселені жарты жылдың ішінде Конституциялық сот қарайтын болады.
Президенттің бұрынғы көмекшілерінің бірқатары билікті асыра пайдаланғаны үшін қамауға алынды. Пак Кын Хе көпшіліктен кешірім сұрады, бірақ қызметтен бас тартқан жоқ.