Сібір жарасына қарсы вакцинаға сынақ жүргізгеннен кейін құқық қорғау органдарына тиісті материалдар жіберілді.
Бұл туралы бүгін Үкіметтің отырысында отандық ветеринария саласын дамыту мәселесі бойынша баяндама жасаған ҚР Ауыл шаруашылығы вице-министрі Қайрат Айтуғанов мәлім етті.
– Биыл біз тамыз айында сібір жарасына қарсы қолданылатын вакциналарының сапасын тексеру үшін тиісті сынамаларды Украина мен Эфиопияның зертxаналарына жіберген едік. Нәтижесі көңіл көншітпейді. Қазан айында тиісті материалдар құқық қорғау органдарына жіберілді.
Қазір кезде сол материалдар бойынша тергеу амалдары жүріп жатыр, – деді Қайрат Айтуғанов.
Алдағы уақытта бюджет ақшасына сатып алынатын ванкциналарды кәсіби шетелдік зертxаналар тексереді. Ал аталған тауарларды сатып алу конкурстары жылдың соңында өткізіледі.