Астана
Қазір
-15
Ертең
-23
USD
370.55
+1.20
EUR
421.76
+0.29
RUB
5.57
0.00

«Услугасы ұнады». Оралдағы «Ашық әкімдік» халықтың көңілінен шықты

Оралдағы орта арнаулы оқу орындарында құрылыс және сәулет саласы мамандарын даярлауда үш өлшемді жобалау технологиясы қолданыла бастады.

3D моделдеу, жобалау саласындағы жетістіктермен осы өңірде жұмыс сапарымен болған премьер министрінің орынбасары Асқар Жұмағалиев жақынырақ танысты.

Айта кету керек, қазір аймақта сандық технология саласында 50-ден астам жоба қолға алынған. Дені денсаулық сақтау, білім беру, тұрғын үй коммуналдық және мемлекеттік қызмет көрсету салаларында жүзеге асып жатыр.

Мәселен, «Ашық әкімдік» жобасы билік пен бұқара арасындағы алтын көпірге айналса, емдеу нысандары қағазбастылықтан толық арылып, электронды кезек жүйесін енгізген.

Жер телімі актсын таңдау, «еКСК», «bus report» және «Халықтық бақылау» секілді жобалар да күнделікті тұрмыста кеңінен қолданылады.

Премьер-министрдің орынбасары сондай ақ «Смарт Орал» жобасымен танысып, цифрландыру жетістіктерін қолданып жүрген бірқатар әлеуметтік нысандарды аралады.

– Әкімдікке келдім, чегімді алдым, очередьте көп отырғаным жоқ. Өте ыңғайлы, маған ұнады услугасы, баяғыдағыдай көп отырмайсың,

– дейді қала тұрғыны Гүлмира Сейталиева.

Ал қала әкімдігі аппаратының бас маманы Ақкербез Асмақованың айтуынша, қазіргі таңда қызмет алуға 74 мың қала тұрғыны келді. «Бұл жерде Орал қалалық сәулет және қала құрылысы, жер қатынастары және ауыл шаруашылық бөлімдері орналасқан. Осы залда 10 мемлекеттік қызмет түрі және 18 қосымша қызмет түрі көрсетіледі», дейді Ақкербез Асмақова.

Айта кетсек, елімізде Цифрлық Қазақстан жобасы «Самұрық-Қазына» ҰӘҚ» АҚ мен «Samruk-Kazyna Trust» әлеуметтік жобаларды дамыту Қорының қолдауымен «Коммуникативтік бастамалар және стратегиялар» Жеке қорымен іске асырылады.