“Түк ауыр емес!”. Шымкенттік жігіт 60 келілік қошқарды мойнына салып 70 рет көтере салды
Шымкентте сейіл меркесі өтті. Ерекше меркеде ұлттық ойынның бір түрі – қошқар көтеруден жарыс болды.
Бұл туралы КТК телеарнасы хабарлады.
Көбіне еліміздің оңтүстігінде тойланатын қазақтың сейіл мерекесіне орайластырылған жарысқа салмағы 60 келі тартатын қошқар тігілген. Тәуекел еткендердің қарасы да қалың. Сайыс ережесі бойынша қошқарды иыққа салған азамат бір орында отырып-тұрып мойындағы жүгін барынша көбірек көтеру керек. Қошқар сол жеңімпаздың жетегінде кетеді.
Сондықтан болар аламанға қатысушылар саны да көп болған. Арасында тіпті, жасы елуге тақаған жігіт ағалары да жүр. Көтере алмай құлап, жұртты күлдіргендер де кездесіп жатты.
Ал, жеңімпаз болып Созақтан келген, 22 жастағы Акбар Елубайұлы танылды. Еркін күрестен спорт шебері атағы бар ол 60 келілік қошқарды 70 рет көтерді.
“Аталарым мықты болған ғой. Әрине, аттың құлағында ойнап, қымыз ішіп жүрген”, – дейді сайыс жеңімпазы Акбар Елубайұлы.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз