Теміртауда оқушы қызды зорлаған педофиль-күдіктінің суреті жарияланды

28 ақпан 2017, 15:54

310

Қалалық ішкі істер басқармасының шығыс полиция бөліміне түскен мәліметте Теміртаудың №2 шағын ауданындағы №120 мектептің маңында кәмелеттік жасқа толмаған қызға белгісіз ер адам шабуылдағаны жазылған. ҚР Қылмыстық кодексінің 120-бабы 3-бөлігі бойынша соталды өндіріс жүріп жатыр.

«Қылмыс жасаған ер адамның ұлты анықталған жоқ, арықша келген, бойы – 170-175 см, салдыр-салақтау киінгені белгілі. Ол қара түсті тоқылған бас киім, қара күртешеде, қара кеудеше, қара спорттық шалбарда, қара кроссовкада болған», – деп хабарлайды ішкі істер басқармасындағылар.

Күдікті туралы естіген-білгендер болса, Теміртау ішкі істер басқармасының шығыс полиция бөлімінің мына телефон нөмірлеріне: 8 7213 95 42 00, 95 10 02 не 102 хабарласуды сұрайды.

Зардап шеккен оқушы қыз туралы мәлімет ашып айтылмады.