Таразда «EXPO-2017» – болашақ энергиясы» атты қалалық жастар форумы өтті.
Қазақстан Республикасы Тәуелсіздігінің 25 жылдығына орай Тараз қаласы әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесінің ұйымдастыруымен 2016 жылдың 10 қарашасында қалалық мәдениет үйінде «EXPO – 2017: Болашақ энергиясы» атты қалалық жастар форумы өтті.
Жастар форумын ұйымдастыру мақсаты «EXPO-2017» халықаралық көрмесін жастар арасында кеңінен насихаттау болып табылады.
Шараға Тараз қалалық ақсақалдар Кеңесінің мүшелері, «Нұр Отан» партиясы Тараз қалалық филиалы «Жас Отан» жастар қанатының мүшелері, жастар қоғамдық бірлестіктерінің мүшелері, білім және денсаулық сақтау саласының жас мамандары, жоғарғы және арнаулы орта оқу орындарының студенттері, БАҚ өкілдері, барлығы 400-ге жуық адам қатысты.
Жастар форумы көрермендерге арналған «EXPO-2017» халықаралық көрмесінің жобасы туралы бейнебаянының көрсетілімімен басталды. Шара барысында қалалық ақсақалдар Кеңесінің мүшесі, жастар арасында жұмыс жүргізу тұрақты комиссиясының төрағасы М.Жаналиевтің, «Нұр Отан» партиясы Тараз қалалық филиалы «Жас Отан» жастар қанатының төрағасы Б.Тұрсынбектің, Тараз қаласы әкімдігі ішкі саясат бөлімінің «Жастар ресурстық орталығы» мекемесінің директоры Е.Төлендиевтің «EXPO-2017» халықаралық көрмесі туралы баяндамалары тыңдалып, қала жастары тарапынан ұйымдастырылған концерттік бағдарламамен өз жалғасын тапты.