Талдықорғанда ұры әйелдер ұсталды
Күдіктілер базарда, қоғамдық көліктер мен сауда үйлерінде адамдардың қалтасына түскен.
Талдықорғанда бірнеше мәрте ұрлық жасады деген күдікпен 22 және 24 жастағы екі әйел ұсталды.
Тергеу кезінде Талдықорған қалалық сотының шешімімен екі әйел қамауға алынды.
“Екі әйел де Көксу ауданы Балпық би ауылының тұрғындары. Күдіктілер бұдан бұрын қылмыстық жауапкершілікке тартылған, Талдықорған қаласында базарда, қоғамдық көлікте және ірі сауда үйлерінде келушілердің қалтасына түскен. Аталмыш деректерге қатысты келтірілген шығынның жалпы сомасы – 400 мың теңге. ҚР Қылмыстық кодексінің 188-бабы бойынша қылмыстық іс қозғалды”, — деп хабарлады полициядағылар.
Ұсталғандардың жеті әйелдің әмиянын ұрлағандығы дәлелденді, әмиян иелері полицияға ресми түрде шағым түсірген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе