Талдықорған маңында апатқа ұшыраған Су-27 жойғыш ұшағына қатысты қылмыстық іс қозғалды
21-желтоқсанда апатқа ұшыраған Су-27 жойғыш ұшағы оқиғасына қатысты қылмыстық іс қозғалды.
Бұл туралы ҚР Бас әскери прокуратурасы хабарлады.
21-желтоқсанда түнгі уақытта оқу-жаттығу кезінде Талдықорған қаласынан 25 шақырым жерде ҚР Қорғаныс министрлігі №21751 әскери бөлімінің Су-27 жойғыш ұшағы апатқа ұшырады. Бұл фактіге қатысты ҚР бас әскери прокуратурасының арнайы прокуроры Сырлыбаевтың басшылық етуімен шұғыл тергеу тобы құрылды. Оған Талдықорған гарнизонының әскери полиция бөлімі мен ҚР Ішкі істер министрлігі Оңтүстік өңірлік әскери тергеу басқармасының қызметкерлері енді.
Қазіргі уақытта болған оқиғаның себеп-салдарын анықтауға бағытталған тергеу амалдары жүргізіліп жатыр. Сотқа дейінгі тергеу қорытындысы мен қабылданған процессуальдық шешімдер туралы алдын ала хабарланатын болады.
Еске сала кетелік, 2014 жылы да Алматы облысында Су-27 әскери ұшағы апатқа ұшырап, ол кезде қос ұшқыш мерт болған. Ал бұл жолы ұшқыш сәтті катапульттанып, аман қалған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз