Жоғары соттың апелляциялық инстанциясы Тоқтар Төлешов пен осы істің өзге фигуранттарына қатысты қылмыстық істі қарады.
Бұл туралы ҚР Жоғарғы сотының баспасөз қызметіне сілтеме жасап, Tengrinews.kz хабарлады.
“Сотталушы Б.Жумин мен К.Пернебаевтың өтелмеген мерзімі 2016 жылдың 13-желтоқсанындағы “Қазақстан Респубюликасының 25 жылдығына орай рақымшылық жасау туралы” заңының 4-бабының 2-тармағы негізінде төрттен біріне қысқартылды. Сотталушы К.Ысқақов “Қазақстан Респубюликасының 25 жылдығына орай рақымшылық жасау туралы” заңының 2-бабының 3-тармағының 2-тармақшасы негізінде жазасын өтеуден босатылды. Жазаның басқа тұстары өзгеріссіз қалды”, -делінген сот хабарламасында.
Апелляциялық инстанция Тоқтар Төлешовтің адвокаты берген шағымды қанағаттандырмады. Сотталған бизнесменге қатысты жаза сол күйінде қалды.
Еске салайық, белгілі кәсіпкер Тоқтар Төлешов 2016 жылдың 30-қаңтарында Шымкентте арнайы операция кезінде ұсталған болатын. Оның үйін және жұмыс орнын тінту кезінде қару-жарақ, есірткі заттары мен оқулық табылған еді. Кәсіпкермен қатар үш адам ұсталған.