“Сол-ақ па?”. Ең төменгі зейнетақының мөлшері белгілі болды
Қазақстан парламентінің мәжіліс депутаттары бүгін зейнетақы мен жаңа туған балаға бір рет берілетін жөргекпұл көлемін өсіру туралы заң жобасын мақұлдады.
Қазақстанның Еңбек және халықты әлеуметтік қорғау министрлігінің мәліметі бойынша, осы мақсатқа республикалық бюджеттен биыл 260 миллион доллар қарастырылған. Зейнетақы мен жөргекпұл 1 шілдеде өседі.
Бір рет төленетін жөргекпұл 1 шілдеден бастап 20 пайызға өседі. Еңбек және халықты әлеуметтік қорғау министрі Тамара Дүйсенованың хабарлауынша, алғашқы үш баланың жөргекпұлы 86 222 теңге (шамамен 275 доллар), төртінші және одан кейінгі балаларға — 142 947 теңге (шамамен 456 доллар) болады.
Қазақстанда ер азаматтар зейнеткерлікке 63 жаста, әйелдер – 58 жаста шығады. 2018 жылдан бастап әйелдердің зейнеткерлікке шығу жасы жыл сайын алты айға өсіп отырады, 2027 жылы бұл мерзім 63 жасқа жетеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе