Сирек кездесетін кеселге 4-жасар қыз душар болды
Қытайдағы қарапайым отбасының баласы, кішкентай Юн Ксинг Ху деген қыз балаға 2011 жылы аса күрделі ота жасалды.
Ол сегіз айға енді толғанда қарны қатты үлкейе бастаған. Жергілікті дәрігерлер мұның қандай кесел екенін ұқпай, еш көмек көрсете алмапты.
Бойы 99 сантиметрлік баланың қарнын орап өлшегенде 105 сантиметрге жеткен, сол себепті бейшара баланың орнынан қозалуы мұң болды. Шарасыз әке-шешесі баласының суретін Интернетте жариялап, елден көмек сұрайды.
Бұл оқиғаны Пекинде тұратын бір емші көріп, қызға көмектесуге келіскен. Доктор Бьян Че баланың диагнозын дәл тауыпты. Бұл кесел – Бадда-Киари синдромы деп аталады екен.
Бұл – өте сирек кездесетін кесел. Бауырдан қан айдайтын қан тамырлары бітеліп, адамның ішіне су толып кетеді екен. Осылайша ішкі органдар қысылып қалады.
Операция сәтті өтіп, қыздың іші судан босады. Енді кішкентай Юнк Синг Ху кәдімгідей қалыпты өмірге қайта оралды.
Аян Мырзабек
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе