Әнші Ақбота Керімбекова шығармашылығы мен Instagram әлеміне оралған сыңайлы. Әртіс қалың оқырманға макияжсыз түрінің қандай екенін тұңғыш рет көрсетті.
«Менің шынайы (макияжсыз) түрімді көргісі келетіндерге… Шынайы болуға қорықпаймын да, ұялмаймын да. Бар болмысым осы, шүкір» – деп жазды әнші.
Еске сала кетейік, әнші екі рет тұрмыс құрып, екі ретінде де некесі сәтсіз аяқталған. 2017 жылдың шілдесінде жанкүйерлер Ақбота мен Рауан Даулетовтың үйлену тойына куә болған. Бірақ белгілі болғандай, әнші үшінші жолдасымен де бір жылға жетпей ажырасып кеткен.
Қазір Ақбота Керімбекова барлық бос уақытын балалары мен өзіне арнайды. Жақсы жаңалығы да бар екен: әнші он шақты жаңа ән жаздырып, жақында Абай Бегеймен бірге түсірген бейнебаяны жарық көреді.