Шымкентте түнгі клуб алдында кісі өлтіргендер ұсталды

17 қараша 2016, 19:00

122

Естеріңізге салсақ, 2016 жылдың 16 қазанында таңғы сағат 4.00 шамасында Шымкент қалалық ішкі істер басқармасы Еңбекші полиция бөлімшесіне облыстық клиникалық ауруханасынан хабарласып, ауруханаға желке тұсынан оқ жарақатын алған белгісіз тұлғаның мәйіті түскенін хабарлаған болатын.

Криминалдық полиция қызметкерлері қайтыс болған азаматтың 1993 жылы туылған жергілікті тұрғыны екенін анықтаған.

Аталған жайт Еңбекші полиция бөлімшесінің сотқа дейінгі бірыңғай тергеп-тексеру тізіліміне тіркеліп, ҚР Қылмыстық кодексінің 99-бабы «Адам өлтіру» және 287-бабы «Қаруды, оқ-дәріні, жарылғыш заттар мен жарылыс құрылғыларын заңсыз өткізу, сақтау, тасмалдау немесе қолдану» қылмыстық іс қозғалды.

Жедел іздестіру іс-шаралары барысында полицейлер 1991, 1993 және 1996 жылдары туылған үш күдікті азаматты анықтағаны белгілі болған.