Шымкент маңындағы Тоғыс ауылында дәретхана жанындағы шұңқырдан ер адамның денесі табылды.
Мұнай-барлаушылар көшесінде жатқан ер адамның мәйітін 3 қаңтар күні таңғы уақытта жергілікті дәріхананың қызметкері байқаған, – деп хабарлайды TVK телеарнасы.
Фармацевт Ольганың айтуынша, ол дәретханаға бара жатқанда, шұңқырдан шығып тұрған адамның қолын көрген.
Телеарна тілшілері анықтағандай, Михаил бірнеше жыл бойы Швецияда жұмыс істеп, жақында Шымкентке қайтып келген. Ал Тоғыс ауылына ол 2-қаңтарда досына қонаққа келген екен.
“Ол үйден 2-нен 3-не қараған күні кешкі уақытта кетті. Есіктер ашық тұрды, ол өзі ғана кеткен. Мен үйіне кеткен шығар деп ойладым. Содан таңертең ұлымнан сұрасам, ол мүмкін анасына кеткен шығар деді. Алайда сол сәтте оның анасы хабарласып, оның өлтірілгенін хабарлады”, – деді оның досы.
Қазіргі уақытта осы іске қатысы бар адамдардың барлығы қамауға алынды. Ресми емес мәліметтерге сүйенсек, бірнеше жыл бұрын Михаил көлікпен абайсызда біреуді қағып, өлтіріп алған. Сондықтан шетелге қашуға мәжбүр болған. Алайда бұл ақпарат рас па, өтірік па – әлі белгісіз.
Телеарна дереккөзінің мәліметінше, қылмыс жасалды делінген ер адамның аты-жөні анықталды. Ол – Оңтүстік Қазақстан облысы, Қайнарбұлақ ауылының 1969 жылғы тұрғыны, осыған дейін сотты болған.