Шахтинск мектебінде аттестаттарды тапсырудың салтанатты шарасында түлектердің бірінің анасы қаза тапты.
Бұл туралы «Наша Ярмарка» басылымына сілтеме жасап, ҚазАқпарат хабарлайды.
№ 7 Шахтинск мектебінде тоғызыншы сынып түлектеріне арналған кеш қайғылы аяқталды. Мұғалімдерге алғысын айтып жатқан кезінде ата-аналардың бірі 39 жастағы Татьяна жерге құлаған. Жедел жәрдем тез жетті. Алайда әйел көз жұмды.
– Оның салмағы 67 келіге жетті. Алайда ол мұны да көп деп санады… – деді қаза тапқан Татьянаның қызының сыныптасының анасы. – Бұл күні ол бақытты болды. Сахнада өлең оқыды. Кенеттен құлап қалды. Алдын ала диагноз: тамыр жарылып кеткен.