Семейде ерекше мұз қалашығы тұрғызылды. Мұнда 25 мүсін бар.
№4 нашар еститін балаларға арналған мектеп-интернатының алды кәдімгі ертегіге айналғандай деп хабарлады “Хабар-24” телеарнасы.
Мұрат Шақабаев, мектеп-интернат директоры:
– Қыстың заманында балалар тұрмақ үлкендердің де далаға көп шыққысы келмейді. Салқын, суық жел. Ал енді мынадай алаңды қараңызшы! Бұған қараған баланың өзі де сүйсіне-сүйсіне далаға шығып, ойнап-күліп, алысып, коньки теуіп, шана теуіп, асыр салып ойнайды.
Никита Кондырев, интернат тәрбиеленушісі:
– Мектеп ауласы әдемі ертегі әлеміне айналды. Мұз айдынында коньки теуіп, хоккейден жарысамыз. Баршаңызды келе жатқан Жаңа жылдарыңызбен құттықтаймыз!